NUUT! Pot Soek ‘n Deksel – Maatjie.com se nuwe Sielsmaats Versoek program.

SAUKRadio is trots om “Pot Soek ‘n Deksel” aan U voor te stel. ‘n Nuwe program wat U graag wil voorstel aan U Deksel, of Pot, sou U een begeer.

Ons gaan elke Vrydag aand vir U meer oor die nuwe wêreld van aanlyn afsprake vertel en sommer lekker kuier. Mettertyd sal U sien hoe dit werk, hoe veilig dit is, en hopelik sal dit vir U gemoedsrus gee om aan te sluit en dalk U sielsmaat te vind.

Luister gerus na profiele van dié wat al klaar ingespring het en dalk is daar iemand wat jou interesseer om vlerk te gaan sleep? Maak ‘n nota van hul profielnaam en gaan na www.Maatjie.com, en teken gratis aan, indien U nie alreeds ‘n lid is nie, en tik die gesogte profielnaam in die soek veld in…

Geniet dit en onthou alle wins van Maatjie.com word aangewend om SAUK, ‘n volkseie inisiatief  te ondersteun.

Hier is Jou gereedskap om jou perfekte Pasmaat mee te vind

– Ontdek tot op 1000 pasmaats met ons intelligente twee-rigting pasfunksie.
– Vind iemand spesiaal met een van ons baie soek-opsies en voeg daardie van wie jy hou by jou Gunstelinge.
– Wanneer jy gereed is, kontak lede met ‘n maklike en privaat boodskapstelsel.
– Sien dit wat jy in gemeen het met ander in ‘n oogopslag.
– Jy is in beheer – blok lede wat nie aan jou standaarde voldoen nie of rapporteer onsmaaklike lede en verhoed vooraf mense om jou te kontak indien hulle jou nie pas nie…

Uiteindelik! Maatjie.com werk nou ook op smartfone en tablette so jy kan jou sielsmaat sommer op die loop vind, oppas net vir daai paal!

Suksesverhaal:

Ek was baie skepties om aan te sluit, maar dit was die beste keuse wat ek ooit gemaak het. Ek en my tans verloofde het so middel Des 2014 begin gesels… Ons het baie moeite gedoen want ons woon ongeveer 500km van mekaar af. Maar ons het nie dat die afstand in ons pad staan nie… Ek en my verloofde glo dat God ons deur hierdie webtuiste na mekaar toe gelei het, want ons het al twee baie hard vir ons Godgegewe lewensmaats gebid. God het moderne tegnologie gebruik om ons by mekaar uit te bring…

Ronel, 2016-01-30

Veiligheid

Ons het duisende enkellopendes na gelukkige verhoudings gelei maar terwyl ons wil hê dat hierdie reis vir jou aangenaam moet wees kan ons nie jou veiligheid ignoreer nie. Ons sit sonder ophou baie energie daarin om vir jou ‘n veilige en sekuur plek te skep waar jy presies kan vind wat jy na opsoek is. Al wat jy hoef te doen om hierdie eenvoudige, algemene kennis wenke te volg om die meeste uit Maatjie.com te kry.

Veiligheidswenke wat aanlyn werk…en af ook

Ons modereer alle profiele en foto’s, hou jou persoonlike besonderhede privaat en veilig, en laat jou toe om boodskappe te stuur en te ontvang sonder om jou ware identiteit te openbaar. Maar veilige afsprake vereis ook ‘n mate van werk jou af.

1. Kies ‘n skuilnaam wat nie die spel weggee nie

Ons sal jou skuilnaam verander as dit te naby aan jou regte naam is (gaan lees ons privaatheidsbeleid hier). Onthou dat oordrewe seksuele, uitlokkende of kontroversiële skuilname die verkeerde tipe aandag sal trek.

2. Wees ‘n bietjie misterieus…

Moenie al jou besonderhede in die eerste paar e-posse uitgee nie. Noem jou eerste naam, maar nie jou van nie; vertel die potensiële pasmaat in watter industrie jy werk, maar moenie die maatskappy se naam gee nie.

Moenie Twitter name uitdeel of te vinnig met potensiële pasmaats op Facebook vriende maak nie en as jy besluit om die gesprek na e-pos te skuif, oorweeg dit om ‘n e-posadres te skep wat nie jou volle naam ontbloot nie.

3. Neem beheer

Een van die beste dinge van aanlyn afsprake is dat jy self die spoed waarteen jy beweeg vasstel. Moenie onder druk voel om op die foon te gesels, te ontmoet of selfs persoonlike besonderhede soos jou volle name, foonnommer, e-posadres of werksplek te gee nie. Net omdat iemand vir jou hulle s’n gee, beteken nie dat jy joune moet uitdeel nie.

4. Gebruik die “Blok” funksie

‘n Gedeelte van die beheer op Maatjie.com is die “Blok” knoppie. As jy iemand wil stop daarvan om jou te kontak op Maatjie.com, klik eenvoudig op die “Blok Hom/Haar” skakel aan die onderkant van hul profiel en hulle sal uit jou hare wees.

5. Moet NOOIT OOIT geld vir enige iemand stuur nie

Jy sal nie jou kontant vir iemand gee wat jy pas in ‘n kroeg of boekwinkel ontmoet het nie, sal jy? Wel, dieselfde reëls is aanlyn van toepassing. As jy gevra word vir geld is iets verkeerd. As dit gebeur, kontak ons asseblief onmiddellik.

6. Is iemand op die werf misbruikend? Rapporteer hulle.

As ‘n ander lid se gedrag jou rede tot kommer gee, of as iemand misbruikend is, laat asseblief ons Ondersteuning Span weet. Dit is so maklik as om die “Rapporteer Misbruik” skakel aan die onderkant van hulle profiele te klik. Alle klagtes word met die strengste vertroue behandel en kan onder andere ontaard in die opskorting of verwydering van die oortredende lid se profiel.

7. Vertrou jou voorgevoel

Die kardinale reël van aanlyn (en van lyn af) afsprake is regtig eenvoudig – luister na jou binnestem. As iets verkeerd voorkom of as jy skielik ongemaklik of bedreigd voel, verwyder jouself van die situasie. Vertrou jou voorgevoel.

Verloor jou hart, NIE jou kontant nie

Meeste Maatjie.com lede is net soos jy – hulle hoop om iemand spesiaal te vind, daardie spesiale een te ontmoet, maar net soos in elke ander area van die lewe is hier ook soms ‘n vrot appel wat in die pakkie sit en wag vir die regte persoon met ‘n klein hartjie om te bedrieg. Die span by Maatjie.com maak werklik ‘n groot poging om sulke appels te vind, verwyder en dit vir hulle so moeilik as moontlik te maak om weer terug te keer. Bedrieërs is professionele kriminele en is meesters daarin om hulle voetspore weg te steek. Hulle sal gewoonlik een van die volgende metodes gebruik om kontant uit jou uit te trek:

1. DIE REIS SLENTER

Jou aanlyn pasmaat het sy onsterflike liefde aan jou bely (gewoonlik met onvanpaste haas) en al wat nou tussen julle en oneindige geluk lê is ‘n paar grense. “Sal dit nie wonderlik wees om te ontmoet en hierdie nuut gevonde liefde te toets nie?” sê die bedrieër. Maar helaas, hy of sy het net nie spaar kontant vir ‘n kaartjie/visa/troeteldier oppasser nie. Dis nou waar jy inkom – liefde oorbrug tog alles – selfs die tydelike kontantvloei probleme. Die enigste ding is, sodra die geld oorgedra is, sal die bedrieër soos mis voor die son verdwyn.

2. DIE TREURIGE VERHAAL

Dit het meer kinkels en kabels as ‘n sepie – dis drama al die pad, met baie detail. ‘n Bietjie té veel, miskien. Partymaal is dit ‘n siek ouer of kind wat desperaat ‘n operasie nodig het, maar meer dikwels gaan die treurige verhaal oor teleurgestelde hoop. ‘n Werksaanbod wat misterieus deur die mat geval en hulle gestrand en pennieloos gelaat het, met ‘n groot hotelrekening om te betaal. Daar is altyd die een of ander rede waarom hulle die geld in kontant nodig het.

DIE GOUE REËL: MOET NOOIT, OOIT, OOIT (HET ONS OOIT GENOEM?) GELD STUUR NIE – MAAK NIE SAAK HOE OPREG DIE PLEIDOOI KLINK NIE!

Eerste Afsprake: die moets en die moenies

Eerste afsprake kan wonderlik wees – die afwagting, vlinders en opgewondenheid om iemand te ontmoet met wie jy vuurwerke gehad het op Maatjie.com. So veel pret as wat dit kan wees om die volgende stap te neem, onthou om kop te hou, moenie ophou versigtig wees nie.

1. Ontmoet in die publiek

Deur ‘n drie-gang maaltyd van niks af by die huis te maak mag moontlik vir jou ‘n paar punte wen, maar dit is beter om ‘n gehoor te hê wanneer julle die eerste maal ontmoet. Reel ‘n van-aangesig-tot-aangesig ontmoeting in ‘n publieke plek.

2. Hou dit kort, met die opsie om dit langer te maak

Probeer om die eerste afspraak aan die kort kant te hou. So kan jy wanneer die vuurwerke ontbreek, jouself met grasie uit die voete maak.

‘n Koffie of ete afspraak is ‘n goeie roep en as die vuurwerke aan jul kant is kan jy altyd die afspraak laat aanloop tot aandete of ‘n rolprent.

3. Bel ‘n vriend

Maak seker dat ten minste een persoon weet waarheen jy gaan, wie jy ontmoet en hoe lank jy verwag om by die afspraak te wees.

Kry ‘n vriend of familielid om jou ‘n “reddings oproep” iewers in die middel van die afspraak te gee. Jy kan die oproep gebruik as ‘n verskoning om die afspraak kort te knip as dinge nie so goed gaan nie.

4. Wees onafhanklik

Maak seker dat jy jou eie vervoer het met die eerste afspraak. Moenie afhanklik van jou potensiële pasmaat wees om by die afspraak uit te kom of weer terug te keer nie.

5. Pas jou identiteit ten volle op

Selfs al is julle van-aangesig-tot-aangesig die eerste keer, probeer die volle besonderhede omtrent jou lewe en identiteit terughou. Daar sal meer as genoeg tyd wees om mekaar te leer ken as die afspraak goed afloop.

6. Moenie die huis verlaat sonder jou selfoon nie

Maak seker dat jy jou selfoon by jou het, maak seker dit is gelaai en dat jy jou netwerk se noodnommer ken… net ingeval.

7. Hou jou goed met ‘n arendsoog dop

Moenie jou drankie onopgepas los nie en hou jou persoonlike besittings ten alle tye by jou – selfs wanneer jy gou badkamer toe gaan.

8. Oor ‘n afstand

As jy iemand gaan ontmoet vêr weg van waar jy woon, maak seker dat jy self jou eie verblyf reel, verkieslik by ‘n vriend of familielid. Hou die adres vir jouself. As jy nie verblyf kan reel nie, stel dan eerder die eerste afspraak uit of laat jou potensiële maat dan eerder na jou deel van die wêreld reis.

9. Dis OK om versigtig te wees

Om die waarheid te sê, dis eenvoudig net wys. Dis jou reg om veilig en sekuur te voel in enige sosiale situasie wat jy verkies, so moenie gedruk voel in enige iets wat jou weerloos of ongemaklik laat voel nie.

Enjoyed this post? Share it!

 

Leave a comment